تاند:( چار شنبه، د قوس دويمه) د ټولګټو وزارت له لوري، د کندهار ولایت د معروف – ارغستان ولسوالیو سړک د اساسي رغونې کار پیل شو.
دا سړک، د معروف او ارغستان ولسوالیو تر منځ د ۵۰ کیلومترو په اوږدوالي سره غځېدلی، چې اوس مهال یې د جوړلو کار د ټولګټو وزارت لخوا له دوو جېوي خصوصي ودانیزو شرکتونو (یونیورسل او ZKB) سره قرارداد شویاو د ټولګټو وزارت لخو تمویلیږي.
د ټولګټو وزارت د خبرپاڼې له مخې ، د یاد سړک د جوړېدو پرمهال به د سیمې یو شمېر اوسېدونکو ته د کار زمینه برابره شي او د کار له بشپړېدو سره به یې د معروف او ارغستان ولسوالیو د اوسېدونکو ترانسپورتي ستونزې حل او له کندهار ښار سره به ونښلي.
کندهار د افغانستان له ډېرو جګړه ځپلو ولایتونو څخه دی او د تېر نظام خلاف د طالبانو د شل کلنې جګړې پر مهال سخت زيانمن شوی.