تاند:(پنجشنبه ،د ميزان ۲۸مه) د ننګرهار لپاره د طالبانو چارواکي وايي، چې په تورخم کې يې د قيمتي مرغانو قاچاق مخنيوی کړی.
د طالبانو د ېوې اعلاميې له مخې، د ننګرهار ولايت تورخم ښارګوټي کې د شاهين په نوم هغه قيمتي مرغان، چې پاکستان ته قاچاق کېدل د دوی د استخباراتو رياست مسئولينو له لوري ونيول شول.
د ننګرهار لپاره د طالبانو د چاپيريال ساتنې رئيس فيروز محمدزی وايي، چې دا مرغان سلګونه زره افغانۍ قيمت او د چاپيريال په ښکلا کې ځانګړی ارزښت لري.
نوموړي وويل،چې ياد مرغان يې نن د جلال اباد ښار بحر اباد ساحه کې ازاد کړل.
په وروستيو کې پاکستان او نورو هېوادونو ته د افغان قيمتي مرغانو د قاچاق خبرونه زیات شوي دي.