تاند:(یکشنبه ،د ميزان ۲۴مه) تاند ته رسیدلي معلومات څرګندوي،چې د طالبانو له بیا واکمنيدو سره د افغانستان د قومونو او قبایلو چارو وزارت يو اصلي کاري لومړيتوب،چې د پښتونخوا قبايلو سره د اړيکو پالل او ستونزو ته ېې د حل هڅې وې، یو مخ له پامه غورځول شوي دي.
د تاند خبریال د طالبانو تر کنټرول لاندې د قومونو او قبایلو وزارت رسمي وېب پاڼه پلټلې، چې له اوږدې مودې راهيسې یې پکې پر ډیورنډ فرضي کرښې د شته قبايلو د ستونزو او پاکستان سره د ناندريو په اړه لږ تر لږه يوه اعلاميه یا خبر نه دی موندلی.
دا په داسې حال کې ده،چې د طالبانو د دغه وزارت یوه مرستيال له تاجيکستان سره د افغانستان ګډې پولې ته سفر کړی او هلته ېې شته وضعیت ارزولی.
د افغانستان د قومونو او قبایلو وزارت د جوړیدو یو اصلي ضرورت د ډیورنډ فرضي کرښې په اوږدو کې د مېشتو میلیونونو پښتنو ستونزو ته پاملرنه او ورسره د اړیکو تامينول ګڼل کېږي.
تاند هڅه وکړه، چې په دې اړه د طالبانو نظر تر لاسه کړي، خو بریالی نه شو.
د طالبانو له بيا واکمنيدو وروسته، افغانستان ته د ډيورنډ کرښې د پورې غاړې يوازې يوه جرګه کابل ته تللې وه، چې هدف ېې د پاکستاني طالبانو او حکومت ترمنځ د سولې هڅو سره مرسته ښودل شوې وه.
د طالبانو يو شمېر منتقدین د پښتونخوا ملتپالو سره د طالبانو نه اړیکې او د دوی له داعيو او حقونو د نه ملاتړ دلیل پر طالبانو د پاکستان اغېز بولي، خو طالبان په دې اړه تورونه بې بنسټه بولي.
ملا ملا جنګ دی : ما مه شمېره
ملا ملا تلبر دی : ما یو پر دوه شمېره
داخر کوسان پښتو غیرت انسانیت نه پيژني ، د پر مختګ ، انسانیت اوعلم لوی جاهل دښمنان دي !