تاند:( شنبه ،د ميزان دويمه) د کابل لپاره د طالبانو د امنيې قومندانۍ چارواکو ویلي،چې نن يې يوه ښځه د خپل ژوند د ملګري د وژلو په تور نيولې ده.
د طالبانو د دغې قومندانۍ ویاند خالد ځدراڼ وويل، دا ښځه د لسمې حوزې په چهارکلا سيمه کې د سيمې خلکو په همکارۍ نیول شوې.
ځدراڼ زیاتوي،چې له تورنې ښځې څخه يوه تومانچه هم تر لاسه شوې.
د سرچينې د معلوماتو له مخې، د يادې ښځې دوسيه بشپړه او اړوند ارګان ته واستول شوه.
د طالبانو له واکمنيدو وروسته د کورني تاوتريخوالي د داسې پېښو د زیاتېدو خبرونه ورکړل شوي.
اقتصادي او بشري ناورين، وزګارتیا او له دې کبله د رواني ستونزو زيادښت د داسې پېښو له اصلي لاملونو ګڼل کېږي.