تاند:( يکشنبه،د سنبلې شلمه) د پاکستان تر ولکې لاندې د پښتون ژغورنې غورځنګ د رهبرۍ غړی علي وزير د سختې ناروغۍ له امله له زندان څخه روغتون ته لېږدول شوی.
نوموړی له تېرو دوه نيمو کلونو راهیسې پر پښتنو د پاکستاني پوځ د پرله پسې ظلمونو د رسوا کولو خلاف د څرګندونو له امله زنداني دی.
د پښتون ژغورنې غورځنګ سرچينو ويلي،چې په زندان کې د وزیر وضعيت ډېر خراب شوی دی او د درملنې لپاره جناح روغتون ته لېږدول شوی دی.
د دې غورځنګ غړي وايي، پاکستاني استخبارات په يوې او بلې بهانې د نوموړي د ضمانت پروسه ځنډوي او په همدې کې يې پرې دوه نيم کاله واړول.
پاکستاني پوځ او ملکي حکومت په دې اړه څه نه دي ويلي.
علي وزير د پاکستان په پارلمان کې د وزيرستان د خلکو منتخب استازی هم دی.
د پښتنو د حقونو او پيوستون ډېرو مدافعینو په ټولنیزو رسنیو کې د نوموړي پر وړاندې د پاکستان د پوځ او ادارو ناوړه چلند غندلی او له نړيوالو ادارو ېې غوښتي،چې دغې قضيې ته پاملرنه وکړي.
په هغه هېواد کې چې د پارلمان دغړي داسې حال وي ، د بېچاره ملت او ولس به يې څه حال وي ؟
علي وزیره د پنجاب ټول پوځ او باجوه درته لوګی شه . الله تعالی د ژر روغتیا او سلامتیا په برخه کړه .