تاند:( شنبه،د سنبلې نولسمه) د ترکېې په استانبول ښار کې د افغانستان قونسل او د ملي امنیت د پخواني مرستيال ډاکټر عبدالله لغماني زوی ذبيح الله لغماني له خپلې دندې د استعفا خبر ورکړ.
نوموړي په یوه اعلامیه کې ویلي،چې ترکي چارواکو د طالبانو د ادارې پيغام ور رسولی و،چې یا دې د طالبانو ادارې سره تعامل او یا هم خپله دنده پریږدي.
ذبیح الله لغمانی زیاټوي، له دې کبله چې پلار ېې په ۱۳۸۸کې د طالبانو د ځانمرګي برید له کبله وژل شوی او طالبان يوه لاسپوڅې او ترهګره ډله ګڼي، دوی سره ېې د کار کولو پر ځای د دندې پريښودل غوره وګڼل.
هغه په روښانه ټکيو نه دي ويلي،چې ترکېه ياده قونسلګري هم طالبانو ته سپاري، خو ده سره ېې د ترکیې د چلند له امله مننه کړې ده.
ذبیح الله لغمانی د ځينو رسنيو هغه تورونه هم د نوموړي خلاف قومي او عقده يي تبلیغات ګڼلي،چې دی ېې د قونسلګرۍ د پيسو په تښتولو تورن کړی.
یوې با خبره سرچېنې تاند ته وويل،چې ذبیح الله لغمانی د ترکیې د حکومت او طالبانو د ګډ تفاهم له کبله د دندې پريښودو ته اړ شوی.
سرچينه زياتوي،چې نوموړی د بې واکه شوي ولسمشر محمد اشرف غني د لومړي مرستيال امرالله صالح زوم دی او د طالبانو خلاف د وسله وال مقاومت د هڅو ملګری دی.
ذبیح الله لغماني خپله هم په خپله اعلاميه کې اشارتآ ويلي،چې له دندې پريښودو وروسته د طالبانو د ادارې خلاف د خپلو اقداماتو په اړه مشورې کوي.
ښه کار دې وکړ. له طالب سره کار کول ناشوني او د افغانستان د ملي ګټو خلاف دي.