تاند:( شنبه،د سنبلې نولسمه) د طالبانو د ادارې دفاع وزارت په کابل کې د دوی د يوې اړوندې امریکايي الوتکې د سقوط خبر تایید کړی.
دغه وزارت په یوه اعلامیه کې ویلي:«نن له ماسپښين وروسته يوه امريکايي “Black Hawk” ډوله چورلکه چې پيلوټانو د ښوونې لپاره الوتنه ور کړې وه، د تخنيکي ستونزې له امله د ملي دفاع پوهنتون په انګړ کې لوېدلې ده، له بده مرغه په دغه پېښه کې دوه پيلوټ او يو خدمه شهيدان او پنځه تنه نور ټپيان شوي دي.»
د دغې پېښې په اړه د طالبانو مخالفو وسله والو ډلو څه نه دي ويلي.
طالبانو په پېښه خواشیني ښودلې او د زيانمنو له کورنيو سره ېې غمرازي څرګنده کړې ده.