تاند:(شنبه،د سنبلې دولسمه) د کاناډا د کډوالو وزیر وايي،چې پرون ېې ۳۳۲ افغان کډوال له پاکستان څخه خپلې خاورې ته ولېږدول.
د کاناډايي چارواکو په وينا،په دې کسانو کې د کاناډايي ځواکونو سیمه ییز همکاران او د ژباړونکو کورنۍ شاملې وې.
کاناډا وايي،چې دغه افغانان ېې په یوه ځانګړې الوتنه کې خپل هېواد ته ولېږدول.
له دې سره، د جمهوري نظام له سقوط څخه وروسته کاناډا ته د لیږدول شویو افغانانو شمېر نیږدې ۱۸نیم زرو کسانو ته رسیدلی.
په پاکستان کې سلګونه زره افغانان له څو مياشتو راهيسې نورو هېوادونو ته د تلو په انتظار دي،چې يوه لويه برخه ېې له اقتصادي ستونزو او بې سرنوشتۍ څخه شکایت کوي.
دغه افغان پناه غوښتونکي په پاکستان او نورو هېوادونو کې په داسې مهال د ستونزمن ژوند ادعا او شکایت کوي،چې د طالبانو د بهرنيو چارو وزير مولوي امیرخان متقي څو ورځې مخکې مدعي شو،چې هيڅ افغان د سیاسي ستونزو او ګواښونو له امله هېواد پریښودو ته نه دی اړ شوی.