تاند( پنجشنبه، د سنبلې لسمه)د طالبانو د استخباراتو لوی ریاست وايي، چې د هرات ښار په څلورمه ناحیه کې يې د یو لړ عملیاتو پر مهال د داعش درې غړي چې په یوه کور کې پټ وو؛ وژلي دي.
په ورته وخت کې دغې ادارې د فراه ولايت کې هم د داعش ډلې د يوه غړي د وژلو خبر ورکړی.
د فراه د عملياتو پر مهال طالبانو د يوه اندازه وسلو او مهماتو د نیولو خبر هم ورکړی.
په وروستيو کې د داعش ډلې فعالیتونه کم شوي،چې لامل ېې د دې ډلې خلاف د طالبانو پرله پسې عملیات ګڼل کېږي.