تاند( يکشنبه ، د اسد دويمه ) په کابل کې د څښاک اوبو له کمښت سره هم مهاله، طالب چارواکو ويلي چې له پنجشېر څخه کابل ته د اوبو د لېږد پروژه پيلوي.
د طالبانو د اوبو او برېښنا وزير عبداللطیف منصور ويلي، چې په کابل کې د اوبو سطحه ورځ تر بلې ښکته ځي او حتا د څښاک اوبو د نه پيدا کيدو وېره رامنځته شوې ده.
د هغه په وينا، پنجشېر نه به کابل ته د اوبو د لېږد پر پروژې ۳ ميليونه امريکايي ډالره لګښت وشي.
پنجشېر نه کابل ته د اوبو د لېږد د پروژې په اړه په ۱۳۹۱ کال کې د افغانستان د وزيرانو شورا بحث کړې او پريکړه ېې کړې وه، چې د جاپان په همکارۍ به دا پروژه عملي کړي.