تاند( چار شنبه ، د سرطان لومړۍ) لومړني راپورونه وايي ، چې د تېرې شپې چټکې زلزلې د افغانستان په یو شمېر ولایتونو او له هغې ډلې په سویل ختیزو ولایتونو کې لسګونه تنو ته مرګ ژوبله اړولې ده.
د پکتیکا په ګیان ولسوالۍ کې د دغې زلزلې له امله د شاوخوا ۴۰ تنو د وژل کیدو او ۶۰ نورو د ټپي کیدو خبر ورکړل شوی.
ویل کیږي، چې د خوست په سپیرې ولسوالۍ کې هم زلزلې مرګ ژوبله اړولې ، خو لا دقیق جزییات نه دي ورکړل شوي.
ګومان کېږي، چې د زلزلې د مرګ ژوبلې او تلفاتو په راپورونو کې بدلون راشي.
د تېرې شپې چټکه زلزله ، چې د ریختر په کچه ۶،۱ درجې وه ، په لغمان ، غزني ، لوګر او کابل کې هم محسوسه شوې ده.