تاند( سې شنبه ، د جوزا ۳۱ مه) د طالبانو د کورنیو چارو وزارت وايي ، چې پولیسو یې د پکتیا ولایت په مرکز ګردیز کې پنځه تنه د قیمتي ډبرو د غیر قانوني استخراج او قاچاق په تور نیولي.
د ياد شوي وزارت په يوه اعلاميه کې راغلي ، چې له یادو کسانو څخه، ۶۰۰ کیلو ګرامه قیمتي ډبرې هم ترلاسه شوي دي.
طالبانو د نیول شویو کسانو د هويت او نورو جزيياتو په اړه څه نه دي ويلي.
په وروستيو کې ادعا کیږي ، چې ډېری پاکستانيان د خپلو ملګرو افغان طالبانو او خلاف کار په ملتيا د افغانستان په کانونو ګرځي او د قیمتي ډبرو او نورو معدنیاتو قاچاق کوي.
طالبانو د دغو ادعاوو په اړه څه نه دي ويلي ، خو پر خپلو لیکو ېې د پاکستان نفوذ رد کړی.