تاند( دوشنبه، د جوزا ۳۰ مه) د ننګرهار د غني خېلو ولسوالۍ په بازار کې نن سهار پر يوه ټوډي موټر چاودنه شوې ده.
د طالبانو تر کنټرول لاندې باختر خبري اژانس ليکلي، چې چاودنه د ملکیانو پر موټر شوې؛ خو د تلفاتو کره شمېر یې نه دی معلوم.
د پېښې له ځای څخه يوې سرچينې تاند ته وويل، چې چاودنه د غني خېلو ولسوالۍ د روغتون لپاره د طالبانو د معرفي کړي مشر پر موټر شوې، چې ۲ تنه يې وژلي او دوه تنه نور ټپيان دي.
سرچینې د وژل شويو او ټپيانو په اړه نور جزییات ور نه کړل.
د پېښې مسووليت کومې ډلې پر غاړه نه دی اخیستی.