تاند( شنبه، د جوزا ۲۸ مه) د افغانستان د پرزول شوي جمهوري نظام لومړي مرستيال امرالله صالح د طالبانو د دفاع وزیر مولوي یعقوب مجاهد ته په خطاب کې ویلي چې د طالبانو پر ضد د مقاومت کوونکو د له منځه وړلو خوب دې نه ویني.
ملایعقوب مجاهد په وروستيو کې د یوه مکتوب له لارې د خپل وزارت منسوبینو ته امر کړی چې د طالبانو خلاف د مقاومت کوونکو له نوم اخیستو دې ډډه وکړي او دوی ته دې د «یاغیانو» کلیمه وکاروي.
صالح بیا نوموړي ته په خطاب کې ویلي، چې ملا عمر هم دغه ارمان خپل «بې نوم او یې نښانه ګور» ته ورسره وړی.
صالح زیاتوي، چې د طالبانو خلاف مقاومت د افغانستان د ویښ ملت هويت دی او دا ملت هیڅکله اسارت نه مني.
هغه په دې اړه وړاندې زياتوي:«د هندوکش ملا نه ده را ټيټه شوې او هیڅکله به هم را ټیټه نه شي. بادار دې په دې ډېر ښه پوهیږي.»
امر الله صالح د طالبانو خلاف په پرله پسې توګه ورته لیکنې کوي، خو ټولنیزو شبکو کې د یو شمېر مخاطبانو له توند غبرګون سره مخ کېږي.
منتقدان هغه ته د واکمنۍ د وختونو يو شمېر ژمنې يادوي او پوښتنه کوي، چې بیا ولې خلک پر پخوانيو چارواکو او څرګندونو یې باور وکړي؟
امرالله صالح تر ديرو غيرتي دى.
يو نر او ويس انسان دى.
د پنجاب د سترگو اغزى دى.
الله تعالى دى يى زوندى او پخپل حفاظت كى وساتي.
زمور تر ديرو هغه يو غيرتي او زمن انسان دى.