تاند( جمعه، د جوزا ۲۷ مه) له ارزګان او بغلان څخه راپورونه وايي، چې د څو پېښو پر مهال ۸ طالبان وژل شوي او يو بل ټپي دی.
خبري رسنۍ وايي، چې د ارزګان پېښې په مرکز ترینکوټ ښار کې شوې دي.
ويل شوي، چې لومړۍ پېښه پنجشنبه شپه په «چینو» سیمه کې شوې او یو طالب پکې وژل شوی دی.
د سرچینې په وینا، دویم برید په «ده جوز» شوی او د طالبانو پر یوه رنجر موټر ډزې شوې دي.
سرچینه زیاتوي، چې په دویمه پېښه کې درې طالبان وژل شوي او یو بل ټپي دی.
د يوه بل خبر له مخې: د بغلان په پل حصار ولسوالۍ کې د مقاومت جبهې په یوه کمین کې څلور طالبان وژل شوي.
د سرچینو په وینا په دغه کمین کې درې نور طالبان ټپیان شوي دي.
طالبانو د یادو پېښو په اړه څه نه دي ويلي.
دوی پر خپل ضد د جګړې او خپلو تلفاتو خبرونه ردوي.