تاند:(یکشنبه، د حوت ۲۹ مه) د افغانستان د بریښنا شرکت چارواکو ويلي چې په ازبکستان کې د سختو توپانونو له امله کابل ته د ازبکستان او په هرات کې د سختو توپانونو له کبله د ترکمنستان د وارداتي برېښنا مزې پرې شوي دي.
د افغانستان برښنا شرکت چارواکو ويلي، هڅه کوي چې یاده ستونزه ژر تر ژره حل کړي چې برېښنا بېرته عادي حالت ته را وګرځي.
د برېښنا شرکت په يوه اعلاميه کې راغلي چې د دې پېښې له خبرېدو وروسته سمدستي لاس په کار شوي او له تاجکستان او ترکمنستان هېوادونو څخه یې یو یو سرکېټ کابل ته وصل کړی، چې کابل ښاریانو ته برېښنا ورسوي.
د کب په وروستيو کې هر کال په افغانستان کې موسمي بادونه، توپانونه او ورښتونه وي.
د خلکو انديښنه بيا دا ده چې د بریښنا د پرې کیدو دليل پر بریښنا شرکت د بريښنا ورکوونکو هېوادونو پریمانه پورونه نه وي.
د افغانستان برښنا شرکت له مختلفو ګاونډيو هېوادونو څخه په لسګونه میلیون ډالره پوروړی دی.