تاند:( شنبه، د حوت ۱۳ مه) په افغانستان کې د واکمنو طالبانو د حکومت وياند ذبيح الله مجاهد د پېښور د قصه خوانۍ په يوه جومات کې پرونۍ چاودنه غندلې او ویلي: په ملکي خلکو او عبادت کونکو برید هیڅ توجیه نه لري.
طالب وياند ويلي: په پیښه کې له ټولو متضررینو سره خپله ژوره خواخوږي ښیو.
د افغانستان پخواني ولسمشر حامد کرزي بيا د پکتیا ولایت د ډنډ پټان په جامع جومات او د پېښور قصه خوانۍ بازار ته نږدې د امام بارگاه په جامع جومات کې د جمعې د لمانځه پر مهال دواړه چاودنې، چې له امله یې گڼ شمېر لمونځ کوونکي شهیدان او ټپیان شوي، غندلي دي.
حامد کرزي دغه پېښې بشري ضد جنایتونه او د ټولو انساني او اسلامي ارزښتونو خلاف عمل ګڼلي.
د افغانستان د وروستنۍ مشرانو جرګې رييس فضل هادي مسلميار هم ويلي، چې د پکتيا د ډنډ پټان پر یو مسجد او د پېښور ښار کې پر جامع مسجد شوې چاودنې په سختو ټکو غندي.
د يادونې وړ ده، چې د پيښور د پېښې مسووليت د داعش ډلې د خراسان ځانګې پر غاړه اخيستی دی.
د پکتيا د پېښې په اړه د طالبانو وياندويانو نه يوازې غبرګون نه دی ښودلی، بلکې په رسمي خبري رسنيو کې یې خبر هم نه دی خپور شوی.
د پکتيا د پېښې په اړه د طالبانو وياندو نه يوازې غبرګون نه دی ښودلی، بلکې په رسمي خبري رسنيو کې یې خبر هم نه دی خپور شوی
دا دريز د ط دا څرګنده وي چي دا بريد طالبانو په خپله کړي، اوکه چيرته دا بريد بل چاکړی وي نو دا کم زوري د طالب د حکومت روښانه کوي.
تاسو به چې پر ملکیانو برید وکړ هغې ته مو له کومه توجیه پیداکوله ?
شکر چې پر ملکیانو برید ناروا شو، خو فکر کم دا به پر افغانانو نه بلکه په نورو خلکو وي.
نور نو منافقت څانګه وي، پرون پورې يې په زرهاوو افغانان همدې ط په همدې بمونو او ځانمرګيو افغانان شهيدان کړل او په لکهاوو افغانانو يې بې کوره او بې پلاره کړل… نن بیا څنګه ط دومره خواخوږی سو،غمجن سو؟؟؟
ط ته د افغان وینه رواح وه، ده او وي به. لعنتیانو تاسو خو د جنګیز نه هم زیات افغانان ووژل او اوس چې ستاسو د میندو د میړه په کور راغله نو توجیه نده.