تاند:( دوشنبه، د جدي اووه ویشتمه) په بادغیس کې د طالبانو ځايي چارواکي وايي چې نن دوه بجې د دغه ولایت د مرکز په نور آباد کې سخته زلزله شوې ده.
دوی د دغې زلزلې د چټکتيا کچه نه ده ښودلې، خو ویلي چې د استوګنې کورونه یې ویجاړ کړي.
چارواکي وايي، چې دغه زلزله ځاني تلفات نه لري.
څو ورځې مخکې په بدخشان او يو شمېر نورو ولايتونو کې هم زلزله شوې وه، خو د ځاني او مالي زيانونو خبر یې نه و ورکړل شوی.
طالب چارواکو نه دي ويلي، چې د بادغيس له زلزله ځپلو سره به مرسته وشي کنه؟
په وروستيو کې د طبيعي او نورو پېښو زیانمنو شکايت کړی، چې څوک مرسته نه ورسره کوي.