تاند:( یکشنبه، د جدي دولسمه) د افغانستان بې واکه شوي ولسمشر محمد اشرف غني د جمهوري نظام له سقوط وروسته په خپله لومړنۍ مرکه کې له خپلې اعلی سر قوماندانۍ څخه دفاع کړې او ويلي، چې په سقوط کې د تحميل شویو امنيتي چارواکو او پخوانيو جنګسالارانو رول زیات و.
ښاغلي غني په دې مرکه کې په دې اړه وويل: کندهار کې امنیه قوماندان ما وټاکه او که پر ما تحمیل شو؟ ټول منطقوي ځواکونه، محلي پولیس او ولسي پاڅون کوونکي او نور د محلي بانفوذه اشخاصو په واسطه ایجاد شول که نه؟ اول چا سقوط وکړ؟ همدوی.
ولسمشر غني په مشخص ډول د چا نوم نه دی اخیستی.
د جمهوري نظام په وروستيو ورځو کې د امريکا د ولسمشر په فشار اشرف غني مجبور شو، چې بسم الله محمدي د ملي دفاع وزارت سرپرست وټاکي.
پر بهرنيو فشارونو سربېره، په کور دننه ګڼ سیاستوال او ډلې په امنيتي او دفاعي سکتور کې د خپلو سهمونو لرونکي وو.
د جنګسالارانو موضوع که څه هم ولسمشر غني نه ده روښانه کړې، خو د طالبانو خلاف نیږدې ټولو مشهورو جنګسالارانو لکه: اسماعيل خان، عبدالرشېد دوستم، عطا محمد نور، محمد محقق، احمد مسعود، جمعه خان همدرد او ګڼو نورو د هېواد په مختلفو سيمو کې وسلې واخيستې، مګر تر ټولو مخکې همدوی سقوط او له هېواده وتښتېدل.
خاینه دا شکل دې بد ښکاري. ستا زرګل لیوني غلطې فیصلې افغانستان بیرته سفر ته بوت. ته رزیل خو زوړ یې مګر د شخصې مفاد او غلا لپاره دې افغانان د پاکستان لاس ته ورکړل. تاریخ کې به دې نوم د لوی خاین او مفسد په نوم ځلیږي. لعنت په تا.
ریښتیاهم نظام دعبدالله ډلې – جنګسالاران چې په زور یې چوکۍ غصب کړې وې اوهغه پخوانیو مفسدو تنظیمیانو کندې ته ور غوزار کړ – هم یې ډبلې تنخواوې اخیستې او هم یې نظام تخریباوو