تاند: ( شنبه د جدي يوولسمه) د افغانستان په جمهوري نظام کې د بهرنيو چارو وزارت سياسي مرستيال او سرپرست ادريس زمان د خپلې بڼې د بدلون او وروستيو څو ملاقاتونو له کبله په ټولنیزو رسنیو کې د بحث په يوې مهمي موضوع بدل شوی.
ادريس زمان څه موده مخکې په کابل کې د پاکستان سفير منصور احمد خان سره وليدل.
نوموړي له پاکستاني سفير سره تر لیدنې او ډوډۍ خوړلو وروسته په خپل ټویټر کې بې واکه شوي ولسمشر محمد اشرف غني ته د « فراړي بایا» اصطلاح وکاروله.
ادريس زمان تېره پنجشنبه د بهرنيو چارو وزارت ته د طالبانو د اړوند وزير مولوي امیر خان متقي او سياسي مرستيال شېر محمد عباس ستانکزي ليدو ته ورغلی و.
د طالبانو د بهرنيو چارو وزارت د وزارت له سرپرست سره د زمان د لیدنې حواله ولیکل، چې نوموړي د طالبانو د « ښه نیت» مننه کړې او په هېواد کې د پاتېدو او خدمت ډاډ ورکړی.
په ټولنیزو رسنیو کې د ادریس زمان د بهرنيو چارو وزارت د سرپرستۍ د وخت او اوسنۍ قيافې، د طالبانو د ترهګر ګڼلو او دغه راز ښځو د زده کړو او حقونو په پخوانۍ څرګندونې نقل قول کړي او نقد کړي دي.
منتقدینو ادريس زمان فرصت طلبه، معامله ګر او د ورځې د نرخ سړی ګڼلی.
يو شمير کسانو بیا د هغه پلوي او ملاتړ هم کړی, چې ښاغلي زمان يې څرګندونې ريټويټ کړی او په دې توګه يې پر ځان پورې شوي تورونه ردکړي دي.
دا هغه کس دی چه د سفارت کارانو د اصلاح لپاره ډاکټر غنی دنده ورکړی وه تر څو هغه کسان چه د واسطو او مشرانو سره د اړیکو په اساس مقرر شوی ول معلوم او تصفیه کړی ، خو هغه بیا خپله ښځه په لندن کی سفارت کاره مقرره کړه ،چه په نتیجه کی دغه کار بابا په غوسه کړ او له دندی یی وشاړه .