تاند- څېړونکو د انسان په بدن کې یوه نوې برخه کشف کړه چې تراوسه پورې یې هغې ته نه و پام شوي.
دا په ژدوونکې «ماضعغه» یا « masseter» عضله کې یو ژور قشر دی چې لاندینۍ ژامه پورته کوي او د ژدوولو لپاره ضروري دی.
د لایف ساینس د راپور له مخې، پخوا هم د دغه قشر د احتمال په اړه شکونه څرګند شوي وو خو په دې اړه د نظر یووالی نه و او ټولو پرې باوري نه درلود.
یو شمېر سویسي څېړونکو پرېکړه وکړه چې پر دې څېړنه وکړي چې ایا هماغسي چې په ځینو پخوانیو متنونو کې ورته اشاره کېده، د ژامې مهمه عضله په رښتیا هم یو پټ لا ژور قشر هم لري او که نه.
دوی د خپلې څېړنې پایلې د اناتومۍ په کالني ژورنال کې خپرې کړي دي.
دوی دا کشف پر ۱۲ جسدونو د څېړنې په ترڅ کې وکړ. دوی همداراز د ۱۲ نورو جسدونو سي سکن وکړ او د یوه ژوندي انسان ایم آی آر یې هم په غور وکوت.