تاند:( پنج شنبه، د جدي دويمه) طالبانو په دايکندي ولايت کې د لسګونو پوځي موټرو نمايش وړاندې کړی.
باختر اژانس په دې ولايت کې د طالبانو د امنيه قومندان صدیق الله عابد په حواله ويلي، چې د دغه نمايش دلیل د دوی سره د نقليه وسايطو د نشتوالي او خرابوالي د اوازو ردول وو.
پر دايکندي سربېره په ګڼو نورو ولايتونو کې هم ځايي طالب چارواکو ورته نمايشات وړاندې کړي.
معلومه نه ده، چې دغه نمايشات د طالبانو د مشرتابه په امر او که د ځايي چارواکو په خپله خوښه ترسره کيږي؟
د دغو نمايشاتو د تمويل سرچينه نه ده معلومه.
ويل کيږي، چې طالبان د ملکي لګښتونو او حکومتولۍ چلولو د امکاناتو په شان د پوځي وسایطو د روغنياتو له کمښت سره هم مخامخ دي او د تېر حکومت نه ورپاتې روغنيات ورسره د خلاصیدو په حال کې دي.
طالب چارواکو په رسمي ډول په دې اړه څه نه دي ويلي.
بی وزله افغانان د فقر او لوږی له لاسه خپل ژوند دلاسه ورکوی اوبلی خوا دا وحشی ځناور او دتور جهالت ټیکه داران فوځی نمایشونه کوی.
پداسی حال کی چی ټوله نړۍ د افغانستان د بشری ناورین له غمه ناکراره ده او هلی ځلی کوی چی د مرګ په پوله ولاړ افغاناانو ژوند وژغوری.