تاند:( دوشنبه، د قوس نهه ویشتمه) په جوزجان کې د افغان ګاز شرکت مسوولین وايي چې په دغه ولایت کې په ۲۴ ساعتو کې ۶۵۰ متر مکعب ګاز استخراجېږي.
د چارواکو په وینا؛ د دغې تصدۍ تولید شوې برېښنا د جوزجان په مرکز شبرغان ښار کې د بیات ګروپ، د بلخ په مرکز مزارشریف ښار کې د سرې او د جیټ ښېښې په فابریکو کې کارول کېږي.
د افغان ګاز تصدۍ مشر باختر اژانس ته ويلي: دوی پلان لري چې په نږدې راتلونکي کې د ګازو تولید له ۶۵۰ متر مکعب څخه یو میلیون متر مکعب ته لوړ کړي.
د يادونې وړ ده چې په جوزجان کې د ګازو ١٣٦ څاګانې شته چې د سلو ميلياردو متر مکعب ګازو د زېرمه کولو ظرفيت لري.
باختر اژانس دا خبر په داسې مهال خپور کړی، چې په وروستيو کې د خوراکي او نورو لومړنيو توکيو ترڅنګ په افغانستان کې د سون توکيو بيې هم په بېساري ډول پورته تلي.
په وروستيو کې طالب چارواکو د اقتصادي او بشري ناورين له شدت او په کابو کولو او حکومتولۍ کې د پاتې راتلو له کبله یې د جمهوري نظام د ورته اقتصادي فعاليتونو د دوام خبرونه خپروي، څو د خپلې لاسته راوړنې يا ابتکار په توګه يې تبلیغ کړي.
MILI QYAAM//MILI QYAAM// MILI QYAAM
THIS IS THE ONLY WAY.
ALL PEOPLES MUST GIVE HANDS STAND UP AGAINST THIS PUNJABI ADMINISTRATION,
LIKE EJIPT/JURDOON/BANGLAH DEESH MUST COME OUT TO STREETS/AND MAKE VOICE FOR FREEDOM FROM PAKISTAN.
THANK YOU