تاند:( پنج، د عقرب ديارلسمه) د ملګرو ملتونو د ماشومانو د ملاتړ صندوق يونيسف په افغانستان کې شديد بشري او اقتصادي وضعيت ته په کتو، پريکړه کړې چې د افغان ښوونکو معاشونه په مستقيمه توګه ورکړي.
د ياد شوي صندوق یوې لوړ پوړي سرچينې دا خبره رويټرز خبري اژانس ته کړې ده.
ويل شوي، چې د معاشونو د دې ورکړې په موخه د ښوونکو نوم لیکنه هم پیل شوې ده.
رویټرز په دې اړه، چې دا معاشونه څومره ښوونکو ته د څومره وخت لپاره ورکول کېږي او ټولې ورکول کیدونکې پيسې څومره کیږي، څه نه دي ويلي.
د افغانستان سلګونه زره ښوونکو له څو مياشتو راهيسې خپل معاشونه نه دي ترلاسه کړي.
د معاشونو د نه ترلاسه کولو او سختې لوږې له کبله تېره اونۍ د بدخشان ولايت د الجهاد ښځينه ښوونځي يو ملازم ومړ، چې طالبانو لږ تر لږه يوه خواشيني هم پرې څرګنده نه کړه.
په ټولنیزو رسنیو کې افغان ښوونکو ته د يونيسف لخوا د معاشونو د ورکړې هرکلی شوی دی.
د افغانستان د پوهنې وزارت يوې سرچينې بيا تاند ته وويل، چې طالبانو د نجونو د زده کړو په سر له نړيوالې ټولنې سره په دې شرط هوکړه کړې، چې هغوی به د ښوونکو د معاشونو ورکړه مني او دوی به دولسم ټولګي پورې نجونو ته د زده کړو اجازه ورکړي
طالبانو په رسمي توګه د داسې کومې معاملې موضوع نه ده تایید کړې
د یو نیسف دا پریکړه د ستایلو وړ ده. دا پریکړه نه یواری د نجونو د تعلیم او تحصیل چی ددوۍ بنیادی حق دی خوندی کوی بلکه بی وزله ښونکو او کورنیو ته يی د یوی مړۍ ډوډۍ د پیداکو لو سبب هم کیږی.
نړۍ وال باید دداډول بشری مرستو په رڼا کی د بی وزله افغانانو د ژوند په نورو برخو کی لکه د عامی روغتیا، زراعت او مالدارۍ او نادارو افغانانو ته د کار او روزګار د زمینې په برابرولو کی د افغان ولس سره چی د بدی ورځی او لوږی سر مخامخ دی بشری مرستی دریغ نه کړی. او په مستقیم ډول دی حقدارو کورنیو ته ورسوی.
د یونیسیف دېې کور ودان وي، یو خوا دا دښمن هیواد پاکستان دی چې افغانان د پوهې د رڼا څخه بې برخې کوي، او بله خوا د یونیسیف قدرمنه اداره ده چې زموږ د هیواد بچي په پوهه سمبالول غواړي.
ګینې دا مسؤولیت د اوسني حکومت دی، چې ناتوانه دی.