تاند:( دوشنبه، د عقرب لسمه)د امريکا متحده ايالاتو د بهرنيو چارو وزير انتوني بلینکن په افغانستان کې د طالبانو د واک ته رسېدو په اړه له ځینو رازونو پرده پورته کړه.
نوموړي تېره شپه په یوه ټلویزیوني مرکه کې وويل، چې د امريکا متحده ايالاتو د پلان مطابق، په افغانستان کې د طالبانو په مشرۍ يو ټول ګډونه حکومت بايد جوړ شوی وای.
د هغه په وينا، د جمهوري نظام له سقوط څخه مياشتې مخکې له ولسمشر غني سره په دې اړه په اړیکه ول، چې واک په سوله ييزه توګه طالبانو ته وسپارل شي.
د امريکايي وزير د معلوماتو له مخې، د جمهوري نظام له سقوط څخه يوه شپه مخکې هم په دې اړه ولسمشر غني سره په ټلیفون غږيدلی و.
د بلینکن په خبره، په وروستۍ ټلیفوني مکالمه کې افغان ولسمشر ورته وويل، چې که طالبان ورته پخپله مشرۍ په جوړيدونکي ټول ګډونه حکومت کې د ټولو لوریو ګډون تضمين ونه کړي، تر مرګه به ورسره وجنګيږي.
امريکايي وزير د داسې څرګندونو باوجود، له هېواده د ولسمشر غني ناڅاپي وتل حیرانوونکې ګڼلې ده.
طالبانو په دې اړه څه نه دي ويلي.
د طالبانو ډېر منتقدین ادعا لري، چې دوی ته د افغانستان واک د يوې مرموزې معاملې په اساس سپارل شوی دی، خو طالبانو په څرګندو ټکو له امریکا سره په دې اړه معامله نه ده رد کړې.
now afghans must know.DOCTOR ASHRAFGHANI WAS HONEST AFGHAN.
ZENDABAAD ASHRAFGHANI
دا خو ښکاره خبره ده چې طالبان امربکا قدرت ته ورسول کنه طالبانو په زر کاله هم بیا افغانستان نیولی نشو. خو اشرف غنی هم خاین و چې د ملت نه یې هر څه د خپلې ګټې لپاره پټ ساتلی و او بیا لکۍ په کونه وتښتید.