تاند(سې شنبه، د میزان ۱۳) یوې نسبتاً زورورې زلزلې، چې د کابل په ګډون په ډېرو سیمو کې احساس شوه، د افغانستان شمالي ولایتونه ولړزول.
د مزارشریف ښاریان وايي، د زلزلې ټکان ډېر شدید و او بېره لري چې تاوانونه به یې اړولي وي.
تراوسه پورې د افغانستان له هیڅ ځایه د احتمالي مرګ ژوبلو او تاوانونو کوم راپور نه دی ترلاسه شوی ځکه چې لا ډېر وختي دی.
د جرمني د والکانو دیسکوري ویبپاڼې د راپور له مخې، د جرمني د زلزله پېژندنې د ادارې (GFZ) د اټکل له مخې، د دې زلزلې مرکز تر مځکې ۱۰ کیلومتره لاندې د بلخ ولالیت بلخ ولسوالۍ ته نژدې و او دذ زلزلې شدت د ریښتر په کچه ۵ اعشاره ۳ و.
د دغه مرکز له لوري د زلزلې وخت د افغانستان د غرمې ۱۱ بجې او ۵۹ دقیقې ښودل شوی دی.
د دې پېښې نور جزییات وروسته همدلته خپرېږي.