تاند(دوشنبه، د سنبلې ۲۹) یو افغان ډاکتر وحید ارین د بریتانیا د کال غوره ډاکتر شو او د بریتانیا د کال د غوره ډاکتر جایزه یې ترلاسه کړه.

ډاکتر ارین ۳۶ کلن دی. دی په کابل کې زېږېدلی او د عمر لومړي پنځلس کاله یې په کورنیو جګړو او یوه موده هم په پاکستان کې په مهاجرت کې تېره کړې ده.

ډاکتر ارین په تېرو ۲۰ کلونو کې په افغانستان کې طبي مرستې کړي، او مرستندویه ټولنه یې جوړه کړې ده.

ده ته د غوره ډاکتر د جایزې په ورکړه کې یو دلیل دا و چې له لېرې یې په افغانستان کې له خلکو او ډاکترانو سره مرستې کړي دي.

ده ته د بریتانیا د کال غوره جایزه نامتو انګلیسي فوټبالر ډیود بیکم ورکړه.