تاند(یکشنبه، د سنبلې ۷) د امریکا د سمندري ځواکونو یو قوماندان په دې خاطر له دندې لېرې کړای شو چې د افغانستان د ګډوډۍ پر سر یې پر امریکايي مشرانو نیوکې کړې وې.
د انډیپندنټ ورځپاڼې د راپور له مخې، د سمندري قول اردو د یوه کنډک قوماندان ډګرمن سټیوارټ شیار په یوه ویډیو کې، چې په ټولنیزو رسنیو کې یې خپره کړې وه، د افغانستان په جګړه کې د ناکامۍ په خاطر له مشرانو څخه د حساب اخیستلو غوښتنه کړې وه.
ډګرمن سټیوارت شیلر د هغه کنډک قوماندان دی چې یو سمندري سرتېری یې د پنجشنبې په ماښام د کابل د هوايي ډګر په انتحاري برید کې ووژل شو. په دې برید کې د ۱۷۰ افغانانو ترڅنګ ۱۳ امریکايي پوځیان ووزل شول او مسوولیت یې داعش په غاړه واخیست.
ډګرمن سټیوارټ خپل اعتراض په فیسبوک کې خپور کړی و.