تاند(دوشنبه، د سنبلې ۱) د کابل په حامد کرزي نړیوال هوايي ډګر کې، په داسې حال کې چې لسګونه زره افغانان بهر ته ایستل کېږي، اور لګېدلی دی.
اور ماښام مهال ولګېد خو تراوسه پورې یې علت نه دی څرګند.
په ټولنیزو رسنیو کې په خپرو شویو ویدیوګانو کې د اور لوګي لیدل کېږي چې له هوايي ډګره اسمان ته پورته کېږي.
تراوسه پورې معلومه نه ده چې اور د هوايي ډګر په کومه برخه کې لګېدلی او ایا د اور لګېدو له کبله له دغه هوايي ډګره بهر ته د افغانانو او بهرنیانو د ایستلو عملیات اغېزمن شوي او که نه دي.