تاند (دوشنبه د اسد ۱۸) په کوټه کې چاودنې دوه پاکستاني پولیس وژلي او ۲۱ نور کسان ټپیان دي. په ټپیان کې لس پولیس هم شامل دي.
د راپورونو له مخې، چاودنه سرینا هوټل ته نږدې شوې ده او چاودېدونکي توکي په یوه موټرسایکل کې ځای پر ځای شوي و.
ویل کیږي چاودنه دومره زوروره وه چې د نږدې ودانیو ښیښې او کړکۍ یې هم ماتې کړي دي.
بلې خوا په هوټل کې د عمران خان د حکومت مخالف بلاول بوټو هم حضور درلود. هغه په یوه ټویټ کې دغه برید غندلی او د پاکستان پر حکومت یې غږ کړی دی چې د ترهګرو له پالنې لاس واخلي.
د بلاول بوټو په وینا دا چاودنې هغه ترهګر ترسره کوي چې پاکستانی حکومت یې روزي او پالي.
کوئٹہ میں دھماکے کی مذمت کرتا ہوں، حکومت کو دہشت گردوں کو خوش کرنا بند کرنا ہوگا اور نیشنل ایکشن پلان پر عمل درآمد کرنا ہوگا https://t.co/dj2zJzzxe2
— BilawalBhuttoZardari (@BBhuttoZardari) August 8, 2021
تر اوسه د دې برید مسؤلیت کومې ډلې په غاړه نه دی اخیستی، خو تر دې مخکې هلته د یو شمېر حملو پړه پاکستاني طالبانو پر غاړه اخیستې وه.
تر دې وړاندې د اپریل میاشتې په ۲۱مه هم د کوټې ښار سرینا هوټل کې بمي چاودنه شوې وه چې په هغې کې لږ تر لږه پنځه تنه وژل شوي و او د لسو نه زیات ټپیان و.