تاند (چهارشنبه د سرطان ۲۳) د کندهار په سپین بولدک ولسوالي کې د افغان ځواکونو او طالبانو ترمنځ سخته جګړه روانه ده.
له سیمې څخه یوه باوري سرچینه وایي، وسله والو طالبانو د چهارشنبې په شپه نیږدې دولس بجې په سپینبولدک ولسوالي کې د کندهار د پخواني امنیه قومندان جنرال عبدالرازق پر کور برید کړی وکړ.
د سرچینې په خبره طالبانو لومړی د جنرال رازق د کور په ساتونکو ډزې وکړې او یو هموي ټانګ ته یې اور واچوو چې د افغان ځواکونو له سخت مقاومت سره مخ شول.
د مالوماتو لهمخې افغان لوري طالبانو ته سخته مرګ ژوبله اړولې، خو جګړه لاهم دوام لري.
طالبانو او د کندهار امنیتي چارواکو تراوسه په دې اړه څه نه دي ویلي.