تاند ( چهارشنبه، د سرطان ۲) کندهار کې د ملکي وګړو پر موټر د سړک غاړې ماین چاودنې د تلفاتو شمېره لوړه شوه.
د وروستیو معلوماتو له مخې په یاده پېښه کې پنځه ملکي وګړي وژل شوي او اتلس نور ټپيان دي.
دغه پېښه تېره شپه د کندهار په میوند ولسوالۍ کې رامنځ ته شوې ده.
ځايي سرچینې وایي، چې د ملکي وګړو موټر د سړک غاړې ته ځای پر ځای شوی ماین برابر شوی او ماین پرې چاودنه کړې ده.
+++++++++++
تاندکندهارکې د ملکي وګړو پر موټر ماین چاودنې ۱۵ تنه ټپيان کړل
( چهارشنبه، د سرطان ۲) د کندهار ولایت امنیتي چارواکي وایي، چې تېره شپه د دې ولایت په میوند ولسوالۍ کې یو ۳۰۳ ډوله مسافر وړونکی موټر د سړک غاړې ته پر ځای پر ځای شوي ماین ور برابر شوی دی او ماین چاودنه کړې.
امنیتي مسوولان وایي په دې پېښه کې ۱۵ مسافر ټپيان شوي دي.
د کندهار ځايي چارواکي وایي، چې ټپیان يې نږدې روغتونونو ته لېږدولي او تر درملنې لاندې دی.
دوی د دې کار پړه پر وسله والو طالبانو اچوي، خو طالبانو بیا په دې تړاو څه نه دي ویلي.
د یادونې ده، چې په دې وروستیوکې په هېواد کې د سړک د غاړې ماین چاودنې ډېرې شوي او عامو خلکو ته ځاني زیانونه اړوي.
د سړک د غاړې ماین چاودنو عام ولس هم اندېښمن کړی دی.
دوی د جګړې له ښکېلو لوریو بیاځلې غوښتنه کوي، چې د عامو ولسونو ژوند ته پام وکړي.