تاند (چهارشنبه د جوزا ۱۹) امریکایي چارواکو ویلي، د افغانستان له هوایي ځواکونو سره د مرستو پر لارو چارو یې بحثونه پیل کړي دي.
د امریکا د دفاع وزارت ویاند جان کربي، په خپلو تازه څرګندونو کې ویلي، دوی دې پایلې ته رسېدلي چې افغان هوايي ځواک د امریکا مرستو ته اړتیا لري نو له همدې امله د پوځ د مرکزي قومنداني لوړپوړي چارواکي پر دې فکر کوي چې څنګه وکړی شي د دغه هوایي ځواک په پیاوړتیا او ساتنه کې خپلې همکارۍ جاري وساتي.
د سرچینې د مالوماتو له مخې امریکایي چارواکو ژمنه کړې، چې د افغان پوځ د تجهیزاتو په ساتنه او ترمیم کې به همکاري کوي او د افغان هوايي ځواک په پیاوړتیا کې به خپلو مرستو ته هم دوام ورکوي.
تر دې وړاندې هم امریکایي چارواکو ویلي وو چې دوی د افغان هوايي ځواک پياوړي کولو او ملاتړ ته ژمن دي.
امریکا: د افغان هوايي ځواکونو، پیاوړتیا او تجهیز ته دوام ورکوو