تاند(جمعه، د جوزا ۱۴) د پښتون ژغورنې غورځنګ (پي ټي اېم) فعال سید عالم محسود وايي، د دغه غورځنګ مشر منظور احمد پښتین او ورسره نیول شوي کسان بېرته خوشې شول.
د غورځنګ غړي وايي، منظور احمد پښتین نن وختي هغه مهال چې د جاني خېلو پرلت ته روان و، په کوهاټ کې د پولیسو له لوري د غورځنګ له نورو غړیو سره یوځای ونیول شو.
تر دې وړاندې پولیسو منظور احمد پښتین د تېر میلادي کال د جنورۍ پر ۲۷ مه د پېښور په تاکال کې له خپلو شپږو ملګرو سره نیولی و.
خو د ډېره اسماعيل خان يوې محکمې د تېر کال د فبرورۍ میاشتې پر اتمه نوموړی د خیانت له توره سپین اعلان کړ.
تر اوسه پورې د نوموړي د نیول کېدو او خوشي کېدو د دلیل پهاړه څه نه دي ویل شوي، خو څو ورځې مخکې یې ویلي و که د پاکستان حکومت یې بندي غړي خوشې نه کړي؛ نو دوی به د پولې پورې غاړې په ۲۹ لویو ښارونو کې لاریونونه پیل کړي.