تاند، شنبه، د ثور ۲۶مه: په پکتیا کې د تندر قول اردو چارواکي وايي، نن سهار وسله والو طالبانو د سیدکرم ولسوالۍ د مچلغو بند پر امنیتي پوستو برید کړی، چې په ځواب کې یې افغان هوايي ځواکونو پر طالبانو درنه بمباري کړې ده.
د تندر قول اردو ویاند جګړن ایمل خان مومند وایي، د افغان ځواکونو په ځوابي پلي او هوايي بریدونو کې ۹ وسله وال طالبان وژل شوي او ۴ نور ټپیان شوي دي.
ده زیاته کړه، پدې جګړه کې د طالبانو یوه اندازه وسلې او مهمات هم له منځه تللي دي، خو دوه افغان سرتېري هم پکې ژوبل شوي دي.
په همدې حال کې د پکتیکا په یوسف خېلو کې هم پر طالبانو د افغان ځواکونو ځمکنیو او هوايي عملیاتو کې ۳۱ طالبان وژل شوي او ۶ نور ژوبل دي.
افغان سرباز ته کامیابی او طالیب خاین ته له خدایه مرګ غواړو مننه