تاند ( شنبه، د حمل ۲۸) د هند د سوداګریز لیګ (اى پي اېل) ۸مه لوبه کې چيناى سوپر کېنګز پنجاب کېنګز ته ماتې ورکړه.
په دې لوبه کې چيناى د لوبې پچه وګټله او د توپ اچونې پرېکړه يې وکړه.
پنجاب کېنګز په ټاکلو ٢٠ اورونو کې د ٨ لوبغاړو په سوځېدو ۱۰۶ منډې وکړې.
شاه رخ خان ۴۷ او ريچارډسن ۱۵ منډې وکړې.
د چيناى لپاره بيا ديپک چاهار ۴ لوبغاړي يې وسوځول.
چيناى سوپر کېنګز لوبډلې ټاکل شوی هدف په ۱۶ ام اور کې د ۴ لوبغاړو په سوځېدو پوره کړ او لوبه یې وګټله.
د دوى له خوا معين علي ۴۶ او فاف ډوپلیسي ۳۶ ناسوځېدلې منډې وکړې.
د يادولو ده چې چيناى په خپله لومړۍ لوبه کې ماتې خوړلې وه، خو پنجاب بيا خپله لومړۍ لوبه ګټلې وه.
نن د اپريل په ١٧مه نېټه به په نهمه لوبه کې د ممبۍ انډينز او سنرايزر حیدراباد لوبډلې یو د بل پر وړاندې ولوبېږي.