تاند (پنجشنبه د حوت ۲۸) په کابل کې د هوایي ډګر پر سړک په یوه هوټل کې، چې د جمعیت اسلامي ګوند د عطامحمد نور د څانګې غونډه پکې روانه وه وسلواله نښته شوې ده.
د عطا محمد نور په مشرۍ د جمعیت اسلامي ګوند مطبوعاتي مسؤل مرتضی جلالي ویلي چې په استقلال هوټل کې د دغه ګوند له لوري په جوړه شوې غونډه کې ډزې شوې دي.
نوموړي زیاته کړې چې دا ډزې د صلاح الدین رباني کسانو کړي او غونډه یې اخلال کړې ده، خو په وینا یې چې حالت بېرته کنټرول شوی دی.
جلالي ګواښ کړی که نښته دوام وکړي بریدګر به ووژل شي.
د مرتضی جلالي د معلوماتو له مخې په دې پېښه کې کوم چاته په کې زیان نه دی اوښتی.
له بلې خوا د صلاح الدین رباني په مشرۍ د جمعیت اسلامي ګوند مطبوعاتي مسؤل عبدالفتاح احمدزي دغه څرګندونې بې اساسه بللي او زیاته کړې یې ده چې په دې ناسته کې د دوی هېڅ وسله وال او بې وسلې کس ګډون نه دی کړی.
په ورته وخت کې ویل کېږي چې په کابل کې د عطا محمد نور کور هم محاصره شوی دی، خو د یاد ګوند ویاند په دې هکله بې خبري ښودلې ده. پولیسو تر اوسه په دې اړه څه نه دي ویلي.
first you have to not become to gather for chance of corona virus.
second maybe talibs do attack.you can by other way of face book/twitter or internet solve your meetings.you can not become to gather one jamiat party/how you agree with ARG/ HOW YOU Do PEACE with talibs AND WITH GULBADIN.
THIS IS TIME TO FORGOT PERSONAL ISSUE AND BECOME UNITED AFGHANS.
THANK YOU