تاند (چهارشنبه، د دلوې ۲۲) په لغمان ولایت کې د بایزید روښان ترسرلیک لاندې علمي سیمینار او مشاعره ترسره شوه.
دا مشاعره چې تېر ماښام ترسره شوه په کې استادانو، لیکوالانو، ځوانانو او مدنې فعالانو ګډون کړی و.
د دې مشاعرې ګډونوالو د پیر روښان په شخصیت، سیاست،ادب، تصوف او عرفان مقالې ولوستلې.
د دې پروګرام په وروستۍ برخه کې شاعرانو خپل شعرونه، ترنمونه او نظمونه هم ولوستل او ځينو په کې د بایزید روښان ژوند لیک هم را اخیستی وو.
فرهنګیان دا ډول مشاعرې په روانو حالاتو کې د سولې او امن لپاره یو پیغام بولي.
دوی له اړونده ادارو غوښتنه لري چې دا ډول مشاعرې او علمي سیمینارونه ډېري کړي څو فرهنګي او علمي اشخاص په کې د ځوان نسل د روزنې په برخه کې خپلې مقالې ځوانانو ته وړاندې کړي.
سلامونه،
د دې مشاعرې او سیمینار جوړېدل اعلی کار شوی ،خو
آیا د روښان لېسې کوم شاعر، اویا د لغمان کوم مدني فعال یا ژورڼالسټ نه شو کولای چې یو لڼډ راپور د ګډونکوونکو د نومونو او په ځانګړې ډول د شاعرانو او ليکوالو د نومونو او د کلام نمونو سره وړاندې کړای وای؟! په درناوئ.