تاند( چهارشنبه، د دلوې ۲۲) د هندي سینما یا بالیووډ مشهور اداکار راجیوکپور د ۵۸ کلونو په عمر ومړ.
راجیوکپور د رشي کپور کشرى ورور دی.
د رشي کپور مېرمن نيتوکپور په خپل انسټاګرام کې ویلي چې د باليووډ اداکار او فلم جوړونکى راجيو کپور نن له موږ نه رخصت شو.
ډاون نیوز هم لیکلي چې، راجيو کپور پرون سهار د زړه د حملې له امله مړ شوى دى.
سرچینې لیکلي چې راجيو کپور د باليووډ مشهورو اداکارانو رشي کپور او رندير کپور کشرى ورور و.
د رسنیو د معلوماتو له مخې راجيو کپور په ١٩٨٣ کال کې اداکاري شروع کړې وه چې په لومړي ځل يې په (ايک جان هى هم) فلم کې کار کړى و.
هغه له دې وروسته په ډېرو مشهورو فلمونو کې کار وکړ او په ١٩٩٠ کال کې يې بيا په فلمونو کې اداکاري پرېښوده او د فلمونو جوړولو ته يې مخه کړه.