تاند (یکشنبه د دلوې ۱۹) د ملي دفاع وزارت وایي، افغان ځواکونو د هلمند ولایت په ګرېشک ولسوالۍ کې د طالبانو له زندانه څلور ملکي کسان ازاد کړي.
دغه وزارت نن یکشنبه په یوه خبرپانه کې ویلي، د ملي اردو کومانډو ځواکونو تېره شپه د هلمند ولایت د ګرېشک ولسوالۍ اړوند پسآب کلي کې د طالبانو پر زندان عملیات ترسره کړل او ۴ ملکي کسان یې ترې آزاد کړل.
تردې وړاندې هم افغا کومانډویانو په هلمند، لوګر او بغلان ولایتونو کې د طالبانو له زندانونو څخه د ګڼ شمېر ملکیانو او نظامیانو د خوشې کېدو خبر ورکړی دی.