تاند (چهارشنبه د دلوې ۱) د متحده ایالاتو د ولسمشر په توګه د جو بایډن د کار د پيل په درشل کې افغان ولسمشر اشرف غني په کابل کې د امریکا له شارژدافیر راس وېلسن او په افغانستان کې د ناټو ځواکونو له عمومي قومندان سکاټ مېلر سره وکتل.

ارګ چهارشنبه ماخوستن د یوې خبرپاڼې په خپرولو سره ویلي، دغه لیدنه نن مازدیګر په ګلخانې ماڼۍ کې تر سره شوه.

سرچینه زیاتوي په دې ناسته کې دواړو لوریو د افغان سولې پروسې، جینیوا کنفرانس د ژمنو او د امریکا د نوي حکومت سره چې سبا به رسماً خپل کار پیل کړي د افغانستان د اړیکو په اړه هر اړخیز بحث وشو.

د خبرپاڼې د معلوماتو له مخې، په دې لیدنه کې جنرال سکاټ مېلر، دوحې ته د خپل وروستي سفر جزیات له ولسمشر غني سره شریک کړل.

دا ناسته په داسې مهال شوې چې د متحده ایالاتو نوي دفاع وزیر په دوحه کې د امریکا او طالبانو تر منځ د شوې هوکړې د بیا ارزولو خبر ورکړی دی.

https://taand.net/%d8%a8%d9%84%db%8c%d9%86%da%a9%d9%86-%d8%af-%d8%a7%d9%85%d8%b1%db%8c%da%a9%d8%a7-%d8%a7%d9%88-%d8%b7%d8%a7%d9%84%d8%a8%d8%a7%d9%86%d9%88-%d9%87%d9%88%da%a9%da%93%d9%87-%d9%be%d9%87-%d8%af%d9%82%db%8c/