تاند- سندرې او نغمې چې په زړۀ كې ولوله پيدا كوي د زړۀ د قوت او پياوړتيا سبب هم ګرځي. د امريكايي محققانو يوې ډلې ويلي دي چې د تازه څېړنو په وخت دوى ته معلومه شوې ده چې كله څوك د خپلې خوښې سندره اوري، نو رګونه يې داسې ورسره پراخېږي ، لكه د خندا په وخت كې يا د رګونو د وينو د خاصو درملو د خوړلو په وجه چې رګونه غوړېږي او ورسره د وينې حركت اسانه كېږي.
د فرانس پرس اژانس له راپور سره سم، په بالتيمور كې د مريلنډ د طبي مركز په پوهنتون كې د زړۀ د ناروغيو د مخنيوي د څانګې مشر ډاكتر ميکايل ميلر وايي چې د خپلې خوښې موسيقي د اورېدو په وجه رګونه داسې پراخېږي لكه څوك چې د ورزش په حال كې وي ، يا يې د كلسټرولو د كمېدو دوا خوړلې وي او رګونه يې ورسره وغوړېږي.
كله چې د بدن رګونه پرانيستي وي، نو د وينو د غوټه كېدو امكان ډېر كم وي . د وينو غوټې د زړۀ د حملو او سكتو سبب ګرځي.
ډاكتر ميلر زياتوي چې زۀ دا نه وايم چې تاسې د زړۀ د روغتيا لپاره يوازې سندرې اورئ او ورزش او ډاكتر دركړې دوا شا كړئ، بلكې زۀ دا وايم چې د زړۀ د روغتيا لپاره د هغو سندرو اورېدل هم مۀ هيروئ چې خوند ورنه اخلئ.
ډاكتر ميلر چې په نيو اورليان كې يې د امريكا د زړۀ د انجمن په يوه غونډه كې د ځان او خپلو ملګرو د نويو څېړنو په باب معلومات وركول، وويل: دوى ته معلومه شوه چې د خپلې خوښې د موزيك او سندرو د اورېدو په وخت د اورېدونكو د رګونو قطر په متوسط ډول شپږ ويشت فيصده غټېږي.
ډاكتر ميلر او ملګرو يې د دې تحقيق په وخت تر مطالعې لاندې كسانو ته ويل چې د خپلې خوښې موسيقي غوره كړئ. دغو اكثرو كسانو كليوالې سندرې انتخاب كړې. د ډاكتر ميلر په نظر دا مهمه نه ده چې اورېدونكى كومې سندرې انتخابوي، مهمه دا ده چې د خوښې سندرې يې وي.
زما په زړه سندره هیڅ نه کینی،
کوم اواز چې زما خوښېږي هغي نعتونه دي،کله چې یې اورم له ژونده مې زړه راتوره وي غواړم ټول عمر د الله په لاره کې قربان کړم،
اسلامی جذبه مې را پاره وي.
د دنیا مزي راته بې معنی شي زړه مې غواړي له ښاره لري یوي داسې سېمي ته ولاړ شم چې یوازی زه او راسره د الله ملګرتیا وي.
عبدالباری جان ورورکه!
په پورته لیکنه کی د ” خپلی خوښی سندره ” پر معیار بحث سوی دی نه د کوم خاص موزیک یا سندر غاړی په هکله نو چی ستا مثلاً نعتونه خوښېږی معنې دا چی ستا روح او زړه د همدې ستا د خوښی د شعر او لحن او مېلوډی په اورېدو باغ باغ کیږی ځکه روح اصولاً د مینی تابع وی.
بله دا چی،. کېنه وروره همهلته چی ئې کېنه، په انسانی ټولنه کې ژوند کول یو آسمانی او فطری ماموریت او رسالت دی او د ټولنی د غړو څخه فرار او ګوښه کېده د ایمان د سلامتیا او بشپړتیا سره مرسته نه کوی او نه د انسان روحی او جسمانی اړتیاوی پوره کوی.
بس د خلګو خبره خپله ګِذاره کوه،. که دی یوازیتوب خوښ وی نو رښتېنئ یوازیتوب هم په ټولنه کی لاسته راځی.