تاند(شنبه، د جدي ۲۷) کورنیو چارو وزارت وایي، د پولیسو ځانګړو ځواکونه په لوګر ولایت د محمد اغې ولسوالۍ په زرغون شهر سیمه کې کې د یو لړ شپني عملیاتو په ترڅ کې ۲۹ طالبان ووژل او یو شمېر نور یې ټپیان کړل.
د کورنیو چارو له وزارته په خپره شوې خبرپاڼه کې راغلي، د دې ځواکونو د یو لړ نورو عملیاتو په ترڅ کې په تیرو دوه ورځو کې د طالبانو درې لوې پوستې او څو پټنځایونه د پنځه زیرزمیني لارو په شمول له منځه وړي دي.
دغه راز خبرپاڼه کې راغلي، په دې عملیاتو کې ۵۳ کړۍ بیلابیل ماینونه د امنیتي ځواکونو لخوا کشف او شنډ شوي دي.
دا په داسې حال کې دی چې په دې وروستیو کې د امنیتي ځواکونو او طالبانو تر منځ سختې نښتې روانې دي او له دې امله دواړه خواوو ته مرګ ژوبلې اوړي
وسلهوالو طالبانو تراوسه په دې اړه څه نه دې ویلي.