( تاند، یکشنبه د جدي ۲۱) د کابل پولیس وايي چې امنیتي ځواکونو کابل کې د “امر طوفان” په نوم د وسله والو غلو یو مشر نیولی دی.
د امنیه قومندانۍ ویاند فردوس فرامرز وایي: “دغه کس د پولیسو په هدفي عملیاتو کې د کابل ښار د ۱۶مې حوزې په مربوطاتو کې ونیول شو، چې یو شمېر وسلې هم ورڅخه ترلاسه شوې دي.”
د فرامرز په خبره، چې “امر طوفان” د وسله والو غلاوو، انسان تښتونې او باج اخیستنو په تور د پولیسو تر تعقیب لاندې و.
وروسته له هغې، چې د ولسمشر له لوري، خپل لومړي مرستیال امرالله صالح ته، د کابل ښار د امنیت مسؤولیت ورکول شوی، په پلازمېنه کې د وسله والو غلاوو، هدفي وژنو او انسان تښتونو په تور ګڼ شمیر کسان د پولیسو له لوري وژل شوي، نیول شوي او پاتې نور یې تر جدي تعقیب لاندې دي.