تاند (چهارشنبه د جدي ۱۷) د ملي امنیت ځواکونو د پکتیا د والي یو سلاکار عطامحمد فېروز نیولی دی.
د پکتیا والي حلیم فدايي ویلي، چې فېروز د ملي امنیت هغې ډلې نیولی چې له پلازمېنې کابله دده په نیولې پسې پکتیا ته راغلي و.
ویل کېږي نوموړي د ترهګریزو فعالیتونو په تور نیول شوی، خو ښاغلی فدايي وايي چې په دې اړه مالومات نه لري.
د نوموړي په خبره چې یادو ځواکونو فېروز تر نیول کېدو وروسته کابل ته لېږدولی دی.
تر اوسه ملي امنیت د عطامحمد فېروز د نیولو په هکله څه نه دي ویلي.