تاند ( دوشنبه، د جدي ارګ تېره شپه په یوه خبرپاڼه کې ویلي چې د افغان حکومت مذاکراتي پلاوی به نن دوحې ته روان شي.
خبرپاڼه وایي چې ټاکل شوې سبا د جنورۍ په ۵ مه د طالبانو او افغان حکومت ترمنځ د مذاکراتو دویېم پړاو خبرې پیل شي.
سرچینه کاږي چې په همدې موخه مذاکراتي پلاوي تېره ورځ ناوخته له ولسمشرغني سره کتلي دي او د خپلو پلانونو په اړه یې معلومات ورسره شریک کړي دي.
ولسمشرغني هم په دې لیدنه کې ویلي چې مذاکراتي پلاوی د افغان حکومت بشپړ ملاتړ له ځان سره لري او دوی باید په مذاکراتو کې د افغانانو له حقوقو دفاع وکړي.
د سرچینې په خبره ولسمشر همدا راز ویلي چې مذاکرات باید د اساسي قانون پر بنسټ مخ ته یوړل شي.
د معلوماتو له مخې ټاکل شوې چې په دې پړاو مذاکراتو کې به افغان حکومت له طالبانو د اوربند غوښتنه وکړي خو طالبانو تر اوسه د دویېم پړاو مذاکراتو په اړه څه غبرګون نه دی ښودلی.
د یادونې وړه ده چې د سولې د لومړي پړاو خبرو له پیل راپدېخوا په افغانستان کې جګړو زور اخیستی دی.
که څه هم پاکستان او امریکا په افغانستان کې د روان تاوتریخوالي پر زیاتېدو اندېښنه ښودلې او د تاوتریخوالي د کمښت او اوربند غوښتنې یې کړي خو طالبانو تر اوسه په څرګندو الفاظو خپل دریځ نه دی روښانه کړی.