تاند (شنبه، د جدي ۶) د امریکا د ناشویل په ایالت کې درنې چاودنې د ځاني زیان ترڅنګ درانه مالي زیانونه اړولي دي.
د یاد ایالت پولیسو ويلي چې په چاودنه کې درې تنه ټپیان شوي او دغه راز یو شمېر ودانۍ هم نړېدلې دي.
پولیس زیاتوي چې د چاودنې څخه وړاندې ورته له سیمې څخه د ډزو راپورونه ورکړل شوي وو او سیمې ته د پولیسو تر رسېدو وړاندې یوه موټر چاودنه کړې ده.
سرچینې زياتوي چې چاودنه د ناشویل په داسې سیمه کې رامنځته شوې چې په کې ډېری وخت ګڼه ګوڼه نه وي.
په ټولنیزو رسنیو کې هم د دې چاودنې انځورونه خپاره شوي او پکې لیدل کېږي چې درانه مالي زیانونه یې اړولي دي.
بل لورته امریکایي رسنیو هم ویلي چې د امریکا د تینسي ایالت په نشویل کې درنې چاودنې درې کسان ټپیان کړي دي.
امریکایي رسنۍ وایي چاودنه د جمعې په ورځ رامنځته شوې او انګېزه یې تر اوسه معلومه نه دی.
امریکایي چارواکې بیا وایي ښایي دا یو «عمدي» عمل وي.