تاند ( چهارشنبه، دعقرب ۲۸) د ولسمشر لومړي مرستيال امرالله صالح په کابل کې د دیني مدرسو له مسوولانو غوښتي چې، خپل زده کوونکي او استادان بایو متریک کړي.
د امرالله صالح له څخه په خپره شوې خبرپاڼه کې ليکل شوي چې، د ۳۶۰ مدرسو له شمېرې ، له ۱۳۰ یې غوښتل شوي چې بایو متریک ته چمتو شي.
په خبرپاڼه کې دغه راز د احصايي ریاست ته لارښوونه شوې چې تر هر څه لومړی دې د مدرسو زده کوونکي او استادان بایو متریک کړی.
د امرالله صالح دفتر وایي، دا تصمیم یې د دې لپاره نیولی چې له مدرسو څخه څوک ناسمه ګټه پورته نه کړي.
امرالله صالح داسې مهال دا اقدام کوي چې، لاهم په کابل کې د نا امنيو په تړاو اندېښنې کمې شوې نه دي.
د کابل ښاريان وایي اوس هم وسله وال غله او لارې شکوونکي خلک ځوروي او لوټي.