تاند(دوشنبه، دمیزان ۲۸) ختیځ کې د ملي امنیت ځانګړې ځواکونه وایي، تېره شپه یې د جلال اباد ښار د ۹مې ناحیه کې د داعش ډلې د ځپلو په موخه ځانګړي عملیات ترسره کړي.
سرچینه وایي د دې عملیاتو په پایله کې د داعش ډلې یو قاضي او ادارې امر “قاضي امین مشهور په ابو معاویه” وژل شوی دی.
یاد ځواکونه زياتوي، دغه راز د جلال اباد ښار د ۷مې ناحیې په اخندزاده ګانو کلي کې د داعش ډلې یو تن د پلان ګذارۍ غړی محمد نبي چې په ایوبي هم مشور دی نیولی دی.
ملي امنیت داسې مهال د داعش د قاضي د وژل کېدو خبر ورکوي، چې په دې وروستیو کې په جلال اباد ښار کې هدفي وژنې ډېرې شوي او عام خلک یې سخت اندېښمن کړي دي.