تاند ( چهارشنبه، د سنبلې ۱۲) د هلمند ولایتي چارواکي وایي، چې نن سهار په هلمند سیند کې یوه کښتۍ له ۸ تنو سپرلیو سره ډوبه شوې ده.
د والي ویاند عمر ځواک زیاتوي، چې پېښه له غرمې وړاندې د هلمند په کجکې ولسوالۍ کې رامنځته شوې ده.
د نوموړي په خبره کښتې هغه مهال ډوبه شوې کله، چې ۸ تنو غوښتل د کښتۍ په وسیله د هلمند له سیند نه تېر شي.
د معلوماتو له مخې په ډوب شویو کسانو کې ۳ مېرمنې ۳ نارینه او ۲ ماشومان شامل دي.
د والي ویاند وایي په سیند کې د ډوب شویو سپرلیو جسدونه لا نه دي موندل شوی او په خبره یې دوی یې موندلو هڅې پیل کړي دي.